Рөстәм Нәбиев Африканың иң югары ноктасына менәргә җыена

Танылган блогер Рөстәм Нәбиев Африканың югары ноктасына - Килиманджаро тавына менәргә җыена. Килиманджаро - континентның иң югары ноктасы(5895м).

"Әзерлекләрне башладым. Алда Килиманджаро тавына менү", - дип яза Рөстәм.

Рөстәм күнегүләре белән видеоны үзенең телеграм каналында урнаштырды.



Бу Рөстәм Нәбиевның беренче тавы гына түгел. Аның инде Казбек (5033м), Эльбрус (5642) һәм Манаслу (8163) югары нокталарына да менгәне бар.

Исегезгә төшерәбез, 2015 елның 12 июлендә Омск шәһәрендә казарма җимерелеп, 24 солдат һәлак була, 19 кеше яралана. Башкортстан егете Рөстәм Нәбиев ул кичтә аякларын югалта.

фото: t.me/rustamnabiev92