Гүзәл Уразова: "Беренче бала көткәндә Илдар малай теләде"

Татарстан халык артисты Гүзәл Уразова үзенең телеграм каналында гаиләсендә кызыклы факт белән бүлеште. Ире Илдар Хәкимов беренче балалары туганда малай теләп йөргән булган икән.

"Илдар беренче тапкыр УЗИга барганда, малайны истәлеккә төшереп алам, дип камера күтәреп барган иде. Табиб карады-карады да: "На девочку похожа",- диде. Илдар: "Абый, тагын ныклабрак карагыз әле", - ди бит инде. Врач: "Нет, я обычно не ошибаюсь, точно девочка будет",- диде. Ярар, кыз булса тагын да ныграк яратырбыз, диде шунда Илдар", - дип яза Гүзәл.

Кызлары Эллари быел 11 сыйныфны тәмамлады. Менә инде әтисе белән яңа җыр да яздырганнар.