Вадим Захаров: "Мине гомер буе тәнкыйтьләделәр"

Татарстанның халык артисты Вадим Захаров ТНВ каналында чыгучы "Сөйләшергә вакыт" тапшыуында кунакта булды. Тапшыруның авторы һәм алып баручы Лилия Кадыйрова җырчыдан халыкның эстраданы тәнкыйтьләп торуга фикерен белеште.

"Тәнкыйтьләсеннәр! Аны бит әле аңлый, күтәрә дә белергә кирәк. Мине гомер буе тәнкыйтьләделәр. Мин аны әтидән кабул итәргә өйрәндем. 38 яшькә җитеп, әтенең бер тапкыр да "молодец, улым", дигәне юк. Тәнкыйть эстрадада да булырга тиеш. Җырчыны халык үзе сайлый дип әйтәләр, әмма, бар өлкәдә кебек үк, хәзер күп әйбер акчага корылган", - дип сөйләде җырчы.