Ринат Рахматуллин махсус хәрби операция зонасындагы дусты гаиләсенә көтелмәгән бүләк ясаган

Татар эстрадасы җырчысы Ринат Рахматуллин махсус хәрби операция зонасында булган дустының гаиләсенә көтелмәгән бүләк ясаган. Артист дусты Альбертның улы туена килгән һәм бәйрәмдә чыгыш ясаган.

Җырчы сүзләренә караганда, ул дустының улы өйләнүе турында телефон аша белгән. Әтисе бу мөһим көндә улы янында була алмаган, шуңа күрә Ринат Рахматуллин аны алыштырырга карар кылган.

Артист үзенең чыгышы яшь пар өчен якты истәлек булып калыр дип өметләнүен белдергән.