Казанда Камилә Вәлиевага багышланган флешмоб булачак

Бүген Казанда Россиянең фигуралы шуучысы Камилә Вәлиевага багышланган флешмоб була. Ул 16.00 сәгатьтә Черек күл паркында уза, дип "Татар-информ" хәбәр итә.

Флешмобта Казанның фигуралы шуучылары 15 яшьлек спортчыга (ул тумышы белән - Казаннан) теләктәшлек белдереп чыгыш ясаячак. Чараны шәһәрнең Физик культура һәм спорт комитеты оештыра. 

Кичә, Казанда "Камилә, без синең белән!", дигән язу белән реклама такталары пәйда булды.

Фото: @kamilavalieva26