Ике тапкыр дөнья чемпионы Александр Радулов "Ак Барс"ка күчте

Ике тапкыр дөнья чемпионы, Гагарин Кубогы иясе Александр Радулов киләсе ике сезонны «Ак Барс"та уйнаячак. Уенчының НХЛда чыгыш ясаган «Даллас» командасы белән килешү тәмамланды.

Александрның Казанга күчәсе күптән билгеле иде. Менә, ниһаять, «Ак Барс» рәсми рәвештә хәбәр итте.

Россия җанатарлары Радуловны Россия җыелмасы, ЦСКА, ә татарстанлылар «яшел дерби» аша да яхшы хәтерли. Александр КХЛда уйнаган 391 матчта 492 (169+323) очко туплады.

Исегезгә төшерәбез, кичә «Ак Барс» Данис Зарипов белән яңа контракт төзеде.

Фото: «Ак Барс»