ТНВ "Ак Барс" - "Сибирь" матчын туры эфирда күрсәтәчәк

Бүген Казанның "Ак Барс" хоккей клубы Новосибирскның "Сибирь"ына каршы уйнаячак. Уен 19:00 сәгатьтә "Татнефть Арена"да уза. ТНВ телеканалы, традицион рәвештә, КХЛ матчын туры эфирда күрсәтәчәк.

Исегезгә төшерәбез, даими чемпионатның соңгы матчында «Сибирь» «Северсталь»ны җиңүгә иреште (3:2), ә «Ак Барс» 6:2 исәбе белән "Сочи"ны тар-мар итте.

"Ак Барс" матчка Динар Хафизуллин һәм Михаил Глуховтан башка әзерләнә. Алар икесе дә җәрәхәтлән иде.

Фото: ak-bars.ru