ТНВ "Ак Барс" - "Металлург" матчын туры эфирда күрсәтә

Бүген "Татнефть Арена"да "Ак Барс" Магнитогорскның "Металлург" клубын кабул итә. Матч 19:30 сәгатьтә башлана. ТНВ аны туры трансляциядә күрсәтә.

Сезон барышында командалар ике тапкыр очраштылар. Икесе дә берәр тапкыр үз бозларында җиңүгә ирештеләр (3:2), (2:1).

"Ак Барс" матчка Константин Лучевников, Марк Янчевский һәм Михаил Глуховтан башка әзерләнә. Алар җәрәхәтләнүчеләр исемлегендә.

Исегезгә төшерәбез, кичә Зиннәтулла Биләлетдинов "Ак Барс"ның баш тренеры итеп билгеләнде. Моңы кадәр ул баш тренер ассистенты вазыйфасын башкарды.