Бу көн килеп җитте! ТНВ "Ак Барс" - ЦСКА беренче финал уенын туры трансляциядә күрсәтәчәк

17 апрельдә "Ак Барс" үз бозында ЦСКАга каршы Гагарин Кубогы финалы сериясендә старт алачак. "Татнефть Арена" да уен 19:30да башлана.

"Ак Барс" матчка тулы составта әзерләнә, ЦСКАда җәрәхәтләнүчеләр исемлегенә һөҗүмче Данил Юртайкин урнаштырылган.

Казанлылар бу матчка килеп җитү алдыннан "Нефтехимик", "Адмирал" һәм "Авангард"ны узды, ЦСКА үз юлында "Северсталь", "Локомотив", СКАны алып ташлады.

ТНВ матчны туры трансляциядә күрсәтәчәк.

Фото: "Ак Барс"