Россиядә яңа бәйрәм көне булдырыла: ул 22 декабрьдә билгеләп үтеләчәк

Россия Президенты Владимир Путин Хоккей көнен булдыру турында указ имзалады. Бәйрәм ел саен 22 декабрьдә билгеләп үтеләчәк.

Әлеге карар илдә хоккейны популярлаштыру һәм үстерү максатыннан кабул ителгән. Датаны Россия Спорт министрлыгы тәкъдим иткән: нәкъ менә 1946 елның 22 декабрендә СССР хоккей чемпионатының беренче матчлары узган.

Илнең беренче чемпионы булып Мәскәүнең «Динамо» командасы танылган, көмеш медальләрне ЦДКА, бронзаны «Спартак» яулаган.

Фото: ak-bars.ru