ТНВда туры трансляция: «Ак Барс» «Шанхай Драконнары» белән очраша

16 октябрьдә «Ак Барс» Фонбет КХЛ чемпионатының даими сезонында «Шанхай Драконнары» белән очраша. Санкт-Петербургтагы «СКА Арена»да узачак матч 19:30 сәгатьтә башлана. Уенны ТНВ һәм ТНВ-Планета телеканаллары туры эфирда күрсәтәчәк.

Соңгы матчында «Шанхай Драконнары» «Трактор»га 2:6 исәбе белән оттырды. «Ак Барс» исә өйдәге уеннар сериясен «Сочи»га 2:3 исәбе белән җиңелеп тәмамлады. Узган сезонда казанлылар Кытай клубын ике тапкыр җиңде — 3:2 исәбе белән буллитлар сериясендә һәм 4:1 исәбенә.

«Шанхай Драконнары» матчка югалтуларсыз әзерләнә. «Ак Барс» составында һөҗүмче Артём Галимов уйнамаячак. 

Фото: сгенерировано ИИ