"Трактор" - "Ак Барс": ТНВда туры трансляция

23 октябрьдә «Ак Барс» Фонбет КХЛ чемпионатының даими сезонында Чиләбенең «Трактор» командасы белән очраша. Чиләбедәге В.Белоусов исемендәге «Трактор» боз сараенда узачак матч 17:00 сәгатьтә башлана.

Соңгы уенында хуҗалар кунакта «Авангард»ка буллитлар сериясендә 1:2 исәбе белән оттырды. «Ак Барс» исә «Торпедо»га шундый ук нәтиҗә белән җиңелде.

«Трактор» составында һөҗүмчеләр Виталий Кравцов һәм Александр Рыков уйнамаячак. Казанлыларга һөҗүмче Артём Галимов ярдәм итә алмаячак. «Трактор» – «Ак Барс» очрашуын ТНВ һәм ТНВ-Планета телеканаллары туры эфирда күрсәтәчәк.

Фото: www.ak-bars.ru