Аксубай районында СВОда һәлак булган герой истәлегенә мемориаль такта ачылган

Аксубай районы Иске Ильдеряктә герой-авылдаш истәлегенә мемориаль такта ачылган. Бу хакта "Авыл таңнары" газетасы хәбәр итә.

Махсус хәрби операция бурычларын үтәгәндә һәлак булган Андрей Прохоров истәлегенә хәтер тактасы ул белем алган мәктәп диварында урнаштырылды.

Матәм митингында район һәм җирлек хакимияте вәкилләре, укучылар, укытучылар, офицерның якыннары һәм авылдашлары катнашкан.

Махсус хәрби операциягә үзе теләп бара. Аңа кадәр ул полициядә эшләгән, полковник дәрәҗәсендә лаеклы ялга чыккан.

Фото: aksubayevo.ru