Теләче волонтерлары һәм район башлыгы СВОга гуманитар ярдәм һәм УАЗ машинасы алып барган

Теләче муниципаль район башлыгы Айрат Фәтхуллин җитәкчелегендә волонтерлар өлешчә мобилизация кысаларында хезмәттә булган якташларга гуманитар ярдәм һәм УАЗ машинасы алып барып тапшырган. Бу хакта Теләче муниципаль районының Вконтакте рәсми төркемендә хәбәр ителә.

"Әлеге изге эштэ катнашкан район халкына, җитәкчеләргә,якташларга, өлкәннәргә, мәктәп укучыларына, гомумән өлешен керткән һәркемгә район башлыгы олы рәхмәт сүзләрен җиткерде. Ил сагында булучылар да Теләче халкына сәламнәрен, рәхмәтләрен җиткергән. Аларга җиңеп, тиз арада якыннары янына кайтырга насыйп булсын", - диелә хәбәрдә.