Махсус хәрби операциядә катнашучыларга нинди ярдәм чаралары күрсәтелә?

Махсус хәрби операциядә катнашучыларга нинди ярдәм чаралары күрсәтелә? Аларның гаиләләренә ничек булышалар? СВОдан кайтучыларга игътибар җитәрлекме? 

Татарстан Дәүләт Советының Югары Ослан районында узган күчмә Президиум утырышында сөйләштеләр. Хәзер СВО ветераннарының 83%ы эшкә урнашкан. 

Аларны дәүләт системасына хезмәткә алу өчен Рөстәм Миңнеханов тәкъдиме белән "Батырлар. Татарстан Геройлары" проекты эшләп килә. 1 меңнән артык хәрби гариза калдырырга да өлгергән. Гаризалар март аена кадәр кабул ителә. Аннары икенче этап башланачак.

Махсус хәрби операция башланганнан бирле 18 мең хәрбигә медицина ярдәме күрсәтелгән. Быел Казандагы тернәкләндерү үзәгендә тагын 40 урынлык стационар бүлек ачарга җыеналар. Барысы хакында да тулырак Инзилә Хөсәенова сөйләр.