Олы Ачасыр авылы халкы хәрбиләр өчен маскировка челтәрләре үрә

Яшел Үзән районы Олы Ачасыр авылы мәдәният йортында алгы сызыктагы хәрбиләр өчен маскировка челтәрләре үрәләр.

Әлеге авыл халкының ярдәме турында беренче тапкыр гына язмыйбыз. Моңа кадәр мәктәп укучылары һәм укытучылары егетләр өчен окоп шәмнәре дә әзерләгән иде.

Хәзер исә мәдәният йорты, музей, мәктәп һәм авыл халкы берләшеп челтәрләр үрә. Бу зур эшкә алар үз авылларында тотынганнар, ә моңа кадәр күрше Норлат авылына барып йөргәннәр.