Чүпрәле районында СВО хәрбиләре гаиләләренә дәүләт бүләкләре тапшырылды

Чүпрәле районында махсус хәрби операциядә катнашкан хәрбиләргә дәүләт бүләкләрен тапшыру тантанасы узды. Батырлык ордены үлгәннән соң Владимир Калюшев һәм Владимир Николаев гаиләләренә тапшырылды.

Моннан тыш, Владимир Юдин II дәрәҗә «Батырлык өчен» медале белән бүләкләнде. Александр Магарин «Россия Федерациясе оборонасын ныгытуга керткән өлеше өчен» һәм «Махсус хәрби операциядә катнашучы» медальләренә лаек булды.

Чарада «Бердәм Россия»нең җирле бүлекчәсе сәркатибе, район башлыгы Марат Гафаров һәм Буа белән Чүпрәле районнарының хәрби комиссары Радик Төхвәтуллин катнашты.

Фото: tatarstan.er.ru