Татарстан Президенты Рөстәм Миңнехановка 65 яшь тулды

Бүген Татарстан Республикасы Президенты Рөстәм Миңнехановның туган көне. Татар дөньясы лидеры 65 яшьлек юбилеен билгели.

Рөстәм Миңнеханов 1957 елның 1 мартында Татарстан АССРның Балык Бистәсе районы Яңа Арыш авылында туа. 1998 елдан 2010 елга кадәр ТР премьер-министры вазыйфасын башкара. 2010 елның 25 мартыннан Татарстан Президенты.

1 март Татарстан Президентының 65 еллыгы уңаеннан ТНВ телеканалында "Рөстәм Миңнеханов: жизнь как инновация" фильмы премьерасы булачак.

Фильм Татарстанны Россиянең әйдәп баручы регионнарының берсе иткән күренекле сәясәтче карьерасы һәм казанышлары турында сөйли. Фильм 20:00 сәгатьтә башлана.

Фото: president.tatarstan.ru