Туган телне саклау буенча нинди чаралар күрелә?

Кичә Буа районында Татарстанда яшәүче халык вәкилләренең туган телләрен саклау һәм үстерү мәсьәләләре буенча киңәшмә узды. Анда Татарстан Президенты каршындагы комиссия әгъзалары һәм район башлыклары катнашты.

Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссия рәисе Марат Әхмәтов әлеге җирлектә алып барылган эшне югары бәяләп, киләчәккә яңа максатлар билгеләде. Ул мәктәпләрдә, балалар бакчаларында барлык үткәрелгән милли чараларның эчтәлеген баетырга кушты. Туган телне саулауда үзегез дә үрнәк күрсәтегез, ди Марат Әхмәтов. Район башлыкларына ул татар һәм рус телләрендә камил сөйләшергә өйрәнү бурычын куйды.