Каюм Насыйри тууына 200 ел уңаеннан "Россия Почта"сы конверт чыгарды

XIX гасырның күренекле татар галиме, әдәбиятчысы һәм мәгърифәтче Каюм Насыйриның тууына 200 ел тулу уңаеннан "Россия Почтасы" истәлекле конверт чыгарды. Бу хакта Казан мэриясенең матбугат хезмәте хәбәр итә.

Конвертта Каюм Насыйри портреты, аның гомер еллары күрсәтелгән, шулай ук "Татарстан Республикасы" дигән язу бар. 

"Шуның нәтиҗәсендә аның тормышы һәм фәнгә һәм үз халкына хезмәт итүе турында республикабызда гына түгел, аннан читтә яшәүче тагын да күбрәк кеше беләчәк", - дип ассызыклады "Россия Почтасы" төбәк идарәсе директоры Илнур Мәхмүтов.

Фото: kzn.ru