Хатыйп Миңнегулов: Чит илләрдә Тукай әсәрләренә мөхтәбәр урын бирелгән

Филология фәннәре докторы, КФУ профессоры Хатыйп Миңнегулов әйтүенчә, «чит илләрдә Тукай әсәрләренә мөхтәбәр урын бирелгән».

Ул бу хакта Тукай укулары-2026 кысаларында Габдулла Тукайның мөһаҗирлектәге татар әдәбиятына йогынтысы турында чыгышында сөйләде, дип яза "Татар-информ" мәгълүмат агентлыгы. 

Галим ассызыклаганча, читтә яшәгән татарлар тарихи ватанын нәкъ менә Тукай әдәбияты аша күзаллаган, ә аның әсәрләре Төркия, Финляндия, Япония, Германия һәм башка илләрдә киң таралган.

Миңнегулов фикеренчә, татар әдәбияты тарихын мөһаҗирлектәге мирасны исәпкә алмыйча тулы итеп карап булмый.

Фото: «Татар-информ», Салават Камалетдинов