"Әйдә Татарстан" проекты республиканың иң кечкенә авылларның берсе белән таныштырды

Нәкъ урман эчендә бардыр бер авыл… «Әйдә Татарстан» сәхифәсе кысаларында без сезне республикадагы авыллар тормышы белән таныштыруыбызны дәвам итәбез.

Бу юлы Биектау районындагы Матмыр авылына юл алырбыз. Биредә нибары 12 кеше гомер итә. Ул Татарстандагы иң кечкенә авылларның берсе.

Күршедә генә Марий-Эл республикасы булса да, Матмырда һәрвакыт татарлар яшәгән. Аз булсалар да мондагы милләттәшләребез телне, йолаларны һәм иң мөһиме — бердәмлекне саклап кала алган.

12 кешелек авыл белән Илгиз Шәкүров таныштырыр.