Бүген Казанда "Татар сүзе" Халыкара нәфис сүз телевизион бәйгесенең Гала-концерты узачак

Бүген 28 март Казанның «Сәйдәш» мәдәният үзәгендә Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Татарстан - Яңа Гасыр» телерадиокомпаниясе оештыра торган иң масштаблы бәйгеләренең берсе - «Татар сүзе» өченче Халыкара нәфис сүз телевизион бәйгесенең Гала-концерты узачак.

Конкурста 3200 кеше катнашып, татар әдәби әсәрләрен сәнгатьле сөйләүчеләр комиссия хөкеменә шигърият, проза жанрлары буенча үзләренең бәйге эшләрен тәкъдим итте. Шуларның 30ы җиңүче исеменә лаек дип табылды.