Милләттәшләр очрашуы: Милли Шура рәисе Васил Шәйхразыевның Оренбургка эш сәфәре

Төрле төбәкләрдә яшәүче татарлар үз тарихын, торган җирләренең елъязмасын өйрәнүчеләрнең хезмәтен туплап, Казанда тәкъдим итәргә җыена. Бу фикер Оренбургта - Татарстан Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыевның эш сәфәре вакытында яңгырады.

Анда ул Хөсәен Ямашев исемендәге китапханәдә милләттәшләребез һәм татар милли-мәдәни мөхтәрияте әгъзалары белән очрашты.