Мамадыш районының Җөриендә Питрау: «Керәшен чибәре», батырлар көрәше һәм таң атканчы күңел ачу

Иң чибәр кызны сайлыйлар, парларны кавыштыралар һәм таңга кадәр бәйрәм итәләр. Татарстан халыкларының милли бәйрәмнәре узган шимбәдә - керәшеннәрнең Питравы белән тәмамланды. Ул ел саен Мамадыш районының Җөри авылында уза.

Быел Тырлау аланына 50 меңнән артык кеше җыелды. Бәйрәмгә Дәүләт Советы рәисе вазифаларын башкаручы Марат Әхмәтов килде. Ул кунакларны Республика Рәисе исеменнән сәламли. Милли уеннар, йолалар, керәшен чибәрләре һәм батырлары турында Инзилә Хөсәенова репортажы.