Су да басты, яңгыры да койды, җиле дә - Сабантуйлардан репортаж

Татарстан авыл-районнарында бу ялларда Сабантуйлары гөрләде. Тик кайбер районнарда, аның ямен алып, көчле яңгырлар, хәтта боз яуды. Җил шундый көчле була ки, кайбер районнарда түбәләрне очыра, Сабантуй мәйданындагы корылмаларны аудара.

Гадәттән тыш хәлләр килеп чыккан районнар да булды. Балтачта бер ат, мәйданнан чыгып качам дип, арбасы белән бергә кешеләр өстенә сикерә.

Бөгелмәдә исә чабышкы ат, арбасын җимереп, хуҗасыннан качкан. Сабан туеның күңелле булмаган мизгелләре.