Казанда автоинспектор сукбай этне юл аша чыгарып куя

Казанда автоинспектор сукбай этне юл аша чыгарып куя. Машина йөртүчеләрнең берсе моны видеога төшерә һәм инстаграмга куя. Хәзер инспектор да, эт тә - интернет йолдызлары.

Җан иясен юлның икенче ягына чыгарып кую өчен инспекторга Ленин дамбасында хәрәкәтне туктатырга туры килә. Машина йөртүчеләр дә каршылык курсәтми. Без изге күңелле инспекторны эзләп табып, аның кем булуын ачыкладык. Илгиз Шәкүров аның белән сезне дә таныштырыр.