ТНВ каналы Казандагы бәйрәм концертын онлайн күрсәтә

Бүген, 19 сентябрь, Россия Дәүләт Думасы һәм Татарстан Дәүләт Советы депутатларын сайлауның соңгы көнендә "Ак Барс Арена" янында зур бәйрәм концерты узачак.

Казанга Олег Газманов, рэпер Мот, «Ума-Турман» һәм Filatov & Karas төркемнәре чакырылган. Бәйрәмдә татар эстрадасы йолдызлары Салават Фатхетдинов, Гүзәл Уразова һәм Фирдүс Тямаев чыгыш ясаячак.

ТНВ каналы бәйрәмне онлайн күрсәтә. Сез аны шулай ук безнең социаль челтәрләрдән дә карый алачаксыз: сылтама Вконтакте һәм YouTube каналында булачак.