Татарстанда кабат яңгырлар көтелә

Татарстан Гидрометеорология үзәге синоптиклары фаразлары буенча, 24 сентябрьдә республикада болытлы булачак  һәм яңгыр явачак. Көньяк-көнчыгыштан исүче җил секундына 15-16 метрга кадәр көчәячәк.

Татарстанда төнлә һава температурасы +5..+10 градуска кадәр төшәчәк. Көндез максималь һава температурасы +10..+15 градус булачак.

Исегезгә төшерәбез, 22 сентябрь көн белән төн тигезләшү көне дип санала. Бу көнне төн һәм көннең озынлыгы тигезләнә.

Фото: Наталья Левчук (ТНВ)