Татарстанда октябрьнең беренче көне яңгырлардан башланачак

1 октябрьдә Татарстан җирлегендә болытлы булачак һәм яңгырлар явачак. Төнлә һәм иртән республиканың аерым районнары томан белән каплана. Бу хакта ТР Гидрометеорология үзәге синоптиклары хәбәр итә.

Татарстанда төнлә +2..+7 градуска кадәр салкын булачак. Көндез максималь һава температурасы +8..+13 градуска җитәчәк.

Казанда 1 октябрь төнендә һава температурасы +5..+7 градуска кадәр төшәчәк. Көндез һава +11..+13 градус градуска кадәр җылыначак.

Фото: Наталья Левчук (ТНВ)