Мамадыш районында балалар антисептик сыекча эчеп агуланган

Мамадыш районында балалар антисептик сыекча эчеп агуланган. Бу очрак буенча Тикшерү комитеты бүген җинаять эше ачты.

Район хастаханәсенә «Надежда» приютында тәрбияләнүче 14-15 яшьләр тирәсендәге 6 яшүсмер — дүрт малай белән ике кызны китерәләр. Тикшерүчеләр фикеренчә, алар приют җитәкчелегенең антисептикларны тиешенчә сакламавы сәбәпле агуланган.

Җинаять эше «куркынычсызлык таләпләренә туры килмәгән эшләр башкару яки хезмәт күрсәтү» матдәсе буенча ачыла.