Онлайн трансляция

Свернуть

Транспорт министрлыгы QR-кодларны тикшерү нечкәлекләрен аңлатты

Транспорт министрлыгы QR-кодларны тикшерү нечкәлекләрен аңлатты

https://tnv.ru

12 Ноябрь 2021, 12:20

429

0

Транспорт министрлыгы QR-кодларны тикшерү нечкәлекләрен аңлатты
Транспортта QR-кодларны тикшерү нечкәлекләрен Татарстан Транспорт министрлыгында аңлаттылар. Кондукторлар җәмәгать транспортында QR-кодларны кергәндә түгел, ә билет сату вакытында тикшерәчәк. Бу хакта «Татар-информ» мәгълүмат агентлыгы хәбәр итә.

Шулай ук таксида йөрү өчен коронавируска каршы вакцинация үтү яки QR-код кирәк булмаячак, дип хәбәр ителә.

Исегезгә төшерәбез, кичә Татарстан хакимияте 22 ноябрьдән барлык республика җәмәгать транспортында QR-кодлар системасын кертү турында Карар кабул итте.

Шулай итеп, дәүләт хезмәтләре порталында вакцинацияләүнең тулы курсы узган яки коронавирус белән инде авырган пассажирлар QR-кодны күрсәткән очракта хезмәт күрсәтеләчәк.

Моннан тыш, җәмәгать транспортына кәгазь QR-код белән дә йөрергә мөмкин булачак, ул КФҮнең теләсә кайсы пунктында бирелә.

Фото: ТНВ


Комментарии 0

Аватар