Татарстанда янгында ике ир-ат вафат булган

Бүген төнлә Чистайның Горький урамындагы 137 номерлы бер катлы бүрәнә йорт янды. Бу хакта Татарстан Гадәттән тыш хәлләр министрлыгы матбугат хезмәте хәбәр итте.

Янгынның гомуми мәйданы 40 квадрат метр тәшкил иткән. Өемнәрне сүтү барышында янгын сүндерүчеләр 46 һәм 47 яшьлек ике ир-атның гәүдәләрен тапканнар. Сәбәпләр ачыклана.

Кичә, Чаллыда бер ир-ат хатыны белән баласына бензин сибеп, яндырмакчы булган иде, дип язган идек.

Фото: МЧС