Казанда Хөсәен Мәүлетов урамы участогында хәрәкәтне вакытлыча чикләячәкләр

Казанда 24 декабрьдән Хөсәен Мәүлетов урамы буенча автомобиль юлы участогында транспорт һәм җәяүлеләр хәрәкәте чикләнәчәк. Тиешле документ шәһәр Башкарма комитетында имзаланды, дип Казан мэриясе матбугат хезмәте хәбәр итә.

30 июльгә кадәр Хөсәен Мәүлетов урамы 18 номерлы шәһәр клиник хастаханәсе янында хәрәкәт өчен ябылачак.

Чикләү Хөсәен Мәүлетов урамы аша җир асты җәяүлеләр кичүенең төзелеше белән бәйле.

Фото: ТНВ