Копейск шәһәрендә мәктәп укучысы физкультура дәресендә үлә - видео

Социаль челтәрләрдә Чиләбе өлкәсе Копейск шәһәрендә 16 яшьлек мәктәп баласының физик культура дәресендә үлем видеосы пәйда булды.

Видеода яшүсмернең йөгергән вакытта егылуы күренә. Шулай ук видеода егетнең гомерен коткарырга килгән ашыгыч ярдәм хезмәткәрләре бар. Кызганыч, аның гомерен коткарып калып булмый.

Тикшерү комитетының төбәк идарәсе матбугат хезмәтендә хәбәр итүләренчә, үлемнең төгәл сәбәбе суд-медицина экспертизасыннан соң билгеләнәчәк.