Казанда 8 каттан егылып яшь хатын үлгән

Кичә кич белән 34 яшьлек хатын-кыз Казандагы Юлиус Фучик урамы 88 номерлы йортның 8 каттагы тәрәзәсеннән егылып төшкән. Бу хакта Татарстан Гадәттән тыш хәлләр министрлыгы матбугат хезмәте хәбәр итте.

Хатын-кыз кибет түбәсенә төшкән. Ул алган җәрәхәтләрдән шунда ук үлгән. Үлем сәбәпләре әлегә ачыклана.

Коткаручылар баскыч ярдәмендә ашыгыч ярдәм табибларына түбәгә менәргә булышкан. Табиблар хатын-кызның үлемен раслаган.

Фото: МЧС РТ