Казанда Юлиус Фучик урамы буенча хәрәкәт чикләнгән

Казанда Юлиус Фучик урамы буенча автомобиль юлында хәрәкәт вакытлыча чикләнгән. Тиешле боерыкка шәһәр Башкарма комитетында кул куелды, дип хәбәр итә Казан Мэриясе матбугат хезмәте.

10 нчы апрельгә кадәр Юлиус Фучик урамы буенча 141а һәм 106а номерлы йортлар янында хәрәкәт чикләнә.

Бу метрополитенның икенче линиясендәге беренче участок төзелеше белән бәйле.

Фото: kzn.ru