Казанда уртача хезмәт хакы күпме булуы билгеле

Татарстан Президенты Рөстәм Миңнеханов Казан шәһәре Думасы сессиясендә уртача хезмәт хакы — 53 000 сум, ә республика буенча - 43 400 сум дип белдергән. Бу хакта "Коммерсантъ" җиткерә.

Шул ук вакытта III квартал нәтиҗәләре буенча шәһәрнең 314 предприятиесе минималь хезмәт хакы күләме 12 792 түбәнрәк түли.

Рөстәм Миңнеханов билгеләп үткәнчә, Татарстан башкаласында яшәүче 52 меңнән артык кешенең айлык кереме яшәү минимумыннан түбәнрәк. "Кайберәүләр керемне башка ысуллар белән алалар, әмма бу да дөрес түгел. Барысы да үтә күренмәле һәм дөрес булырга тиеш", - дип ассызыклады ТР Президенты.

Фото: pixabay.com