Татарстанда тәүлек эчендә коронавирус йоктыруның 550 очрагы расланган

Узган тәүлектә Татарстанда COVID-19 вирусы белән авыруның 550 очрагы расланган. 139 авыручыны хастаханәгә салганнар, калганнары үз йортларында дәваланачаклар. Бу хакта коронавирус инфекциясенә каршы көрәш буенча Оператив штабның матбугат хезмәте хәбәр итә.

Татарстанда узган тәүлектә COVID-19 вирусыннан республиканың тагын дүрт кешесе үлгән.

Исегезгә төшерәбез, Татарстанда аерым категория гражданнар өчен коронавируска каршы мәҗбүри вакцинация гамәлдән чыгарыла.

Фото: pixabay.com