Казанда Кремль урамы буенча хәрәкәт бер айга чикләнде

Татарстан башкаласында 15 апрельгә кадәр Кремль урамы буенча 7/1 нче номерлы бина янындагы юл участогында җәяүлеләр хәрәкәте чикләнгән, дип хәбәр итә Казан мэриясенең матбугат хезмәте.

Вакытлы уңайсызлыклар төбәк әһәмиятендәге мәдәни мирас объектының «18 гасырда шагыйрь Каменев Гаврила Петрович яшәгән йорт» ремонт-реставрация эшләрен үткәрү белән бәйле.

Шулай ук 17 марттан Петр Полушкин урамындагы хәрәкәтне вакытлыча чикләячәкләр. Бу җылылык белән тәэмин итүнең тышкы челтәрләрен төзү белән бәйле.

Фото: ТНВ