Татарстанда ипигә кытлык булмаячак

Татарстанда ипигә кытлык булмаячак. Республикада азык-төлек иминлеген тәэмин итүче предприятиеләрнең берсе - Казанның күмәч-кондитер комбинатында шулай дип белдерделәр. Алар хәзер башкала халкының 30%ын икмәк белән тәэмин итә. Бу санны 80 процентка җиткерергә дә әзерләр.

Биредә көн саен 60 тонна ипи пешерелә.

Икмәк пешерүчеләр - авыл хуҗалыгы министрлыгының да аерым контролендә. Аларны берөзлексез чимал белән тәэмин итү - төп бурычларның берсе. Икмәкнең социаль төрләрен пешерү өчен Татарстан бюджетыннан субсидия буларак, 240 миллион сум акча бүлеп бирелә. Бу бер килограмм икмәккә якынча 3 сум тирәсе дигән сүз. Моңа әле Россия бирә торган субсидия дә өстәлә. Әлеге ярдәм чаралары социаль төрдәге икмәкнең бәясен әлегә артмаска мөмкинлек бирә.

#Своихнебросаем #Zамир #безпаники