Казанда Аркылы Гривка урамында хәрәкәт өлешчә чикләнәчәк

Казанның Аркылы Гривка урамындагы автомобиль юлының бер өлеше хәрәкәт өчен өлешчә ябык булачак. Тиешле күрсәтмә Казан муниципаль берәмлеге Документлар һәм хокукый актлар җыентыгында бастырылды, дип хәбәр итә Казан мэриясе матбугат хезмәте.

Шулай итеп, 4 майдан 16 майга кадәр 30 номерлы йорттан 36 номерлы йортка кадәр юл өлешендә автомобиль транспорты хәрәкәте чикләнәчәк.

Бу су агып китү челтәрләрендәге эшләргә бәйле.

Фото: pixabay.com