Рөстәм Миңнеханов Россия Герое Дамир Исламовның туганнары белән очрашты - видео

Лениногорск районына эш сәфәре барышында Татарстан Республикасы Президенты Рөстәм Миңнеханов Россия Герое Дамир Исламов каберендә булып кайтты, шулай ук аның туганнары белән очрашты.

Исегезгә төшерәбез, Россия Президенты указы белән аңа, вафатыннан соң - Герой исеме бирелде. Дамир Исламов экипажы идарә иткән танк каршы якның 4 танкын юк иткән, ут ача торган ноктаны сафтан чыгарган. Шушы бәрелештә Дамирның гомере өзелә. Россия Герое белән хушлашырга шәһәре халкы, якыннары һәм туганнары җыелды.

Дамир Исламовны Лениногорскиның Камышлы зиратында, батырлар аллеясында җирләделәр.