Казанда яшәүче бер хатын-кыз банкның ялган хезмәткәренә 1,8 млн сум акча күчергән

Казанда яшь кыз кредитка алынган 1,8 миллион сум акчасын банкның ялган хезмәткәренә ышанып күчергән. Бу факт буенча җинаять эше кузгатылган, дип хәбәр итә ТР буенча Эчке эшләр министрлыгының Матбугат хезмәте.

Ведомствода аңлатуларынча, зыян күрүчегә, янәсе, банк хезмәткәре шалтыратып, мошенниклар аңа кредит рәсмиләштергән һәм бу эшкә юл куймас өчен, яңа кредит алырга һәм акчаларны "банк"ка күчерергә тәкъдим иткән.

Куркып калган кыз шул ук вакытта акчаларны мошенникка күчерә. Кызганыч, алданганын бик соң аңлап ала.

Фото: pixabay.com