20 майда Совет районында яшәүчеләр сусыз калачак

Казанның Совет районындагы кайбер йортларда су бирү туктатылачак. Бу Минск урамындагы суүткәргечне тоташтыру буенча эшләр башкарылу белән бәйле, дип хәбәр итә казан мэриясе матбугат хезмәте.

20 май 9:00 сәгатьтән 21 май 6:00 сәгатькә кадәр Минск урамының 1, 1в, 1г, 1д, 5а, 16, 16а, 18 йортларында су бетәчәк.

«Водоканал» муниципаль унитар предприятиесе халыктан алдан ук су запасы җыеп куюларын сорый. Автоцистерналар килгән гаризалар буенча урнаштырылачак, алар түбәндәге телефон аша кабул ителә: +7(843)231-62-60.

Фото: pixabay.com