Әлмәттә балалар бакчаларының күпчелегенә җылылык бирделәр

Татарстанда майның салкын килүе районнарны кабат ягу сезонын башларга мәҗбүр итә. Әлмәттә балалар бакчаларының күпчелегенә җылылык бирделәр. Ата-аналар мөрәҗәгате буенча, шундый карарга киләләр.

Аларның үз котельнялары бар. Кирәк икән кушалар һәм шунда ук торбаларга җылы китә. Әле кичә генә төркемнәрдә 19 градус булса, бүген 23кә менә.

Майда көннәр салкын тору сәбәпле, балаларның 10 проценты бакчага йөрмәгән. Авыручылар саны да арткан. Автоном котельня булгач, җылылыкны тоташтыру кыен булмады, ди бакча мөдире. Әмма барлык учреҗдениеләрдә дә алай түгел. Бүген 88 бакчаның 54е генә җылытыла.