Татарстанда һава температурасы нольгә кадәр төшәргә мөмкин

19 май Татарстан җирлегендә яңгырлар һәм томан көтелә. Көнбатыштан исүче җилнең тизлеге секундына 15 метрга җитәчәк.

Синоптиклар фаразлары буенча, Татарстанда төнлә +1..+6 градуска кадәр салкын булачак, урыны белән туфракта нольгә кадәр салкыннар көтелә. Кырау төшүе дә ихтимал. 19 майда көндез +8..+13 градуска кадәр җылытачак.

Казанда пәнҗешәмбе төнендә һава температурасы +3..+5 градуска кадәр төшәчәк. Көндез һаваның максималь температурасы шәһәрдә +10..+12 градус.

Фото: pixabay.com