Ялларда Татарстанда җепшек кар көтелә

Киләсе ялларда Татарстанда һава торышы җылы булмаячак. Шимбә, 21 майда, республика җирлегендә яңгыр һәм җепшек кар көтелә. Төньяк-көнбатыштан исүче җилнең тизлеге секундына 15-18 метрга җитәчәк.

Әйләнә тирәне күзәтү белгечләре фаразларына караганда, Татарстанда төнлә һава температурасы 0..+5 градуска кадәр төшәчәк, урыны белән туфракта һәм һавада -2 градуска кадәр салкыннар көтелә. Көндез +6..+11 градуска кадәр җылытачак.

Казанда 21 май төнендә +1..+3 градуска кадәр салкын булачак, урыны белән туфракта -1 градуска кадәр салкын булуы көтелә. Көндез һаваның максималь температурасы шәһәрдә +7..+9 градус.

Фото: Наталья Левчук (ТНВ)