Чаллыда ике хатын-кызны янгыннан коткарганнар

Чаллының Мәскәү проспектындагы 130 В йортында янгын чыккан. Бу турыда кичә 19:49 сәгатьтә янгын сагының 101 номерына хәбәр иткәннәр.

Пожар ун катлы йортның дүртенче катында тамбурдагы электр счетчигыннан чыга. Бу хакта «Татар-информ» мәгълүмат агентлыгына Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә хәбәр иткәннәр.

Подъезддан ике хатын-кызны коткарганнар. Алар зыян күрмәгән. Янгын мәйданы 0,5 квадрат метр тәшкил итә. Бу хәлнең сәбәпләре ачыклана.

Фото: pixabay.com