Казанда ике яңа урам барлыкка киләчәк

Казанның Совет һәм Авиатөзелеш районнарының яңа төзелә торган ике урамына исемнәр бирелде. Тиешле карарлар Казан муниципаль берәмлегенең Документлар һәм хокукый актлар җыентыгында басылып чыкты, дип хәбәр итә Казан мэриясе матбугат хезмәте.

Совет районының «Яңа Вознесение» торак массивында «улица Рождественская — Рождественская урамы», ә Авиатөзелеш районының «Рассвет» торак массивында «улица Ласковая — Ласковая урамы» барлыкка киләчәк.

Исегезгә төшерәбез, Казанның Идел буе районында Рәшит Сәлахов урамы барлыкка киләчәк, дип хәбәр иткән идек.

Фото: kzn.ru